Qyrǵyzstan astanasynyń meri ustaldy
BІShKEK. QazAqparat - Bishkek meri Albek Ibarımov ustaldy, dep habarlaıdy Kabar agenttigi Memlekettik ulttyq qaýipsizdik komıtetiniń baspasóz qyzmetine silteme jasap.
Vedomstvonyń málimetinshe, A. Ibraımov 19 shilde kúni ustalyp, MUQK-niń bas tergeý basqarmasyna jetkizilgen.
A. Ibraımov óziniń qatysýymen tergeý amaldaryn júrgizý úshin birneshe ret shaqyrylǵan. Biraq ol tergeýshiniń shaqyrýyn elemeı, eger MUQK ustamaq bolsa, qarýly qarsylyq kórsetetinin aıtqan.
Osy kúnderi Qyrǵyzstannyń MUQK Bas tergeý basqarmasy birqatar qylmystyq isterdi tergep jatyr. Tergeý barysynda A. Ibraımovtiń olarǵa qatysy bary týraly naqty málimetter anyqtalǵan.
Eske sala keteıik, 13 shilde kúni Bishkek qalalyq kenesh depýtattary qala meri Albek Ibraımovke senimsizdik votýmyn bildirip, otstavkaǵa ketýin talap etken bolatyn.
