Qyrǵyzstan astanasynyń meri otstavkaǵa ketti
BІShKEK. 5 jeltoqsan. QazAqparat - Sársenbi kúni Qyrǵyzstan astanasy Bishkek qalasynyń meri Isa Ómirqulov óz erkimen otstavkaǵa ketetindigin málimdedi. Bul týraly ol BAQ úshin ótkizgen baspasóz máslıhatynda jarııalady.
Ornynan ketkeli jatqan qalalyq mýnıtsıpalıtet basshysy úsh jyl boıy Bishkekti damytyp, jaqsartýǵa bar kúshin salǵanyn aıtty. Jetistikterdiń biri retinde ol Osh pen Orto-Saı bazarlarynda tártiptiń qalpyna keltirilgenin, 118 shaqyrym avtojol salynyp, jóndelgenin, astana mańyndaǵy turǵyn úı alqaptarynyń kórkeıtilgenin atap ótti.
Sonymen birge, I.Ómirqulov erikti túrde qyzmetinen ketýin jaqynda qozǵalǵan qylmystyq istermen baılanystyrmaýdy surady. Osyǵan deıin I.Omarqulovqa qatysty QR QK-niń tórt baby boıynsha qylmystyq istiń qozǵalǵany Qyrǵyzstannyń bas prokýratýrasy habarlady. Qyrǵyzstan astanasynyń jetekshisine qatysty Daır Asanov atyndaǵy saıabaq aýmaǵyn qysqartýǵa baılanysty zańbuzýshylyqtaryna qatysty málimetter bar. Saıabaqtyń jer bólikteriniń bóligi elıtalyq turǵyn úı men saýyq quryp, kóńil kóteretin keshenderdi salý úshin paıdalanylǵan.
