Qyrǵyzstan astanasynda aýyz sý tapshylyǵy jaǵdaıy turaqtaldy

BІShKEK. QazAqparat – Bishkekte turǵyndardy aýyz sýmen qamtamasyz etý jaǵdaıynyń jaqsarýyna baılanysty kólik jýý, saýna, monsha, basseın jáne sýmen jabdyqtaýǵa táýeldi basqa da obektilerdiń jumysy boıynsha shekteýler alyndy, dep habarlaıdy QazAqparat menshikti tilshisi qala merııasynyń baspasóz qyzmetine silteme jasap.

Buǵan deıin habarlanǵandaı, maýsym aıynyń basynda qala merııasy aýyz sý tapshylyǵy kezeńinde sý resýrstaryn paıdalaný boıynsha shekteý sharalaryn engizip, sýdy kóp qajet etetin nysandar, sonyń ishinde kólik jýatyn oryndarǵa, monshalarǵa, saýnalarǵa, basseınderge, saýyqtyrý keshenderine, kilem, mamyq buıymdaryn jýý pýnkterine sý berýdi toqtatqan bolatyn.

Qazirgi ýaqytta qala turǵyndaryn sýmen qamtý boıynsha jaǵdaıdyń jaqsarǵany baıqalady. Alı-Archa ózeni men Chon-Alysh kanaly arqyly joǵarǵy sýdyń jetkilikti kóleminiń túsýine baılanysty «Orto-Alysh» bas toǵanynyń barlyq qorektendirýshi kólderi toltyryldy, onyń barlyq uńǵymalary shtattyq rejımde jumys istep tur. Bas toǵan arqyly beriletin aýyz sýdyń jıyntyq aǵyny bıylǵy mamyr aıyndaǵy kórsetkishtermen salystyrǵanda 900-1000 m3/saǵ ulǵaıdy.

«Bishkek sý arnasy» qala turǵyndaryn sý resýrstaryna uqypty qarap, aýyz sýdy oryndy paıdalanýǵa shaqyrdy.