Qyrǵyzstan: Apatqa ushyraǵan AQSh áýe kemesi ushqyshtarynyń máıitteri tabyldy
ASTANA. 4 mamyr. QazAqparat - Qyrǵyzstanda AQSh Áskerı áýe kúshteri ushaǵy qulaǵan jerde ushqyshtardyń dene músheleri tabyldy.
Bul týraly eldiń Tótenshe jaǵdaılar mınıstrligine silteme jasap, Bı-Bı-Sı habarlady.
«Ushqyshtardyń birneshe dene músheleri tabyldy. Apat ornynda izdestirý jumystary jalǵastyrylýda», - dep málim etti vedomstvonyń baspasóz qyzmetinen. Іzdestirý jumystaryna 40 adam jumyldyrylǵan.
Bishkektiń «Manas» halyqaralyq áýejaıynda ornalasqan AQSh Áskerı áýe kúshteri Tranzıttik tasymaldaýlar ortalyǵynyń KS-135 otyn quıý-ushaǵy 3 mamyr kúni kókke kóterilgennen keıin kóp uzamaı Qyrǵyzstannyń Shý oblysy Panfılov aýdanyndaǵy shatqaldy bıik taýlardyń arasynda apatqa ushyrady.
Ekıpajdyń úsh múshesi AQSh azamattary bolǵan. Qulaǵan ushaq 60 tonnaǵa jýyq avıakerosındi tasymaldaý maqsatynda saparǵa shyqqan.
