Qyrǵyzstan: AQSh ushaǵy apatqa ushyraǵan jerde izdestirý sharalary júrip jatyr
ASTANA. 5 mamyr. QazAqparat - Qyrǵyzstan bıliginiń habarlaýynsha, jeksenbi kúni amerıkalyq otyn quıý ushaǵy apatqa ushyraǵan jerde ınjenerlik tehnıkany paıdalana otyryp, izdestirý jumystary jalǵasady.
Bul týraly VVS habarlady.
AQSh Áskerı áýe kúshteri Tranzıttik tasymaldaýlar ortalyǵynyń KS-135 otyn quıý-ushaǵy 3 mamyr kúni kókke kóterilgennen keıin kóp uzamaı Qyrǵyzstannyń Shý oblysy Panfılov aýdanyndaǵy shatqaldy bıik taýlardyń arasynda apatqa ushyrady. «Manas» halyqaralyq áýejaıynan kóterilgen ushaqta amerıkalyq úsh ushqysh bolǵan.
Senbi kúni tańerteń ekıpajdyń eki múshesiniń denesi tabylǵan edi. Qutqarýshylar úshinshi ushqyshtyń máıitin jáne ushaqtyń «qara jáshigin» izdestirýde.
Atalǵan apat boıynsha Qyrǵyzstanda qylmystyq is qozǵaldy jáne ony ІІM-nyń Tergeý basqarmasy júrgizetin bolady.
