Qyrǵyzstan AQSh-qa áskerı baza boıynsha kelisimdi toqtatý týraly nota tapsyrdy
ASTANA. 14 qarasha. QazAqparat - Qyrǵyzstan syrtqy ister mınıstri Erlan Abdylaev respýblıkadaǵy AQSh elshisi Pamel Spratlenge yntymaqtastyq týraly sharttyń kúshin, sondaı-aq Bishkektegi Manas halyqaralyq áýejaıynda tranzıttik tasymal ortalyǵyn jaldaý týraly kelisimdi toqtatý týraly resmı habarlaǵan nota tapsyrdy, dep habarlady RBK.
Bul týraly QR syrtqy saıasat vedomstvosy habarlady.
Budan buryn, maýsym aıynyń sońynda kelisimderdi denonsatsııalaý týraly zań jobasyna respýblıka prezıdenti Almazbek Atambaev qol qoıǵan bolatyn. Buǵan deıin qujatty el parlamentindegi barlyq partııalar men beıindik komıtetter qoldaǵan.
AQSh pen Qyrǵyzstan arasyndaǵy yntymaqtastyq týraly jáne ortalyqty jaldaý týraly shartqa 2009 jyly qol qoıyldy. Notaǵa sáıkes olardyń kúshi 2014 jylǵy 11 shildede toqtatylýy tıis bolatyn.
Qyrǵyzstandaǵy áskerı baza 2001 jyly Aýǵanstanda soǵysyp jatqan amerıkandyq áskerlerdi qoldaý úshin qurylǵan edi. Birneshe jyldan keıin onyń Tranzıttik tasymaldar ortalyǵy dep ataýy ózgergen edi, biraq máni ózgergen joq: amerıkandyq áskerı mamandar burynǵysha Bishkekte boldy.
Qoldanystaǵy kelisimderdiń merzimi 2014 jyly aıaqtalady. Budan buryn Qyrǵyzstan bıligi amerıkandyqtarǵa bazany jaldaý týraly shart merzimin uzartqysy kelmeıtinin málimdedi.
