Qyrǵyzstan 2023-2025 jyldarǵa BUU Adam quqyqtary jónindegi keńesiniń múshesi bolyp saılandy

BІShKEK. QazAqparat - Bir kún buryn BUU-nyń shtab-páterinde Qyrǵyz Respýblıkasy BUU-nyń 2023-2025 jyldarǵa arnalǵan Adam quqyqtary jónindegi keńesine daýys berý arqyly saılandy, dep habarlaıdy QazAqparat tilshisi.

Eldiń syrtqy saıası vedomstvosy baspasóz qyzmetiniń málimetinshe, Qyrǵyzstandy saılaýda BUU-ǵa múshe 126 memleket qoldady. Azııa-Tynyq muhıty aımaǵynan tórt oryn úshin kúreske alty memleket qatysty - Qyrǵyz Respýblıkasy, Aýǵanstan, Bangladesh, Vetnam, Maldıv araldary jáne Koreıa Respýblıkasy.

«Qyrǵyz Respýblıkasynyń bedeldi halyqaralyq organǵa kezekti saılanýy álemdik qoǵamdastyqtyń elimizdiń adam quqyqtary jetistikterin jáne adam quqyqtary boıynsha demokratııalyq damýdy qorǵaý men ilgeriletýdiń jahandyq naýqanyna qosqan bolashaqtaǵy úlesin moıyndaýy bolyp tabylady», - delingen QR SІM habarlamasynda.

Buǵan deıin Qyrǵyzstan eki ret 2009-2012 jáne 2016-2018 jyldary BUU Adam quqyqtary jónindegi keńestiń múshesi bolǵan. Keńes músheleri úsh jyl qyzmet etedi. Keńeske múshelik adam quqyqtary salasyndaǵy joǵary standarttardy saqtaý úshin jaýapkershilikti qamtıdy.

Gúlmıra Ábdirahmanova

Foto: nazarnews.org