Qyrǵyzstan 2012-2013 jyldarǵa BUU Qaýipsizdik Keńesiniń turaqty emes músheligine saılanýdan úmitti
BІShKEK. Qazannyń 21-i. QazAqparat /Arnur Rahymbekov/ - Búgin Bishkekte Birikken Ulttar Uıymy kúnine oraılastyrylǵan merekelik sharalar bolyp ótti. Atalmysh sharaǵa QR prezıdenti Roza Otynbaeva, BUU-nyń Qyrǵyzstandaǵy turaqty úılestirýshisi Nıl Volker, respýblıkada tirkelgen dıplomatııalyq mıssııalardyń ókilderi, joǵary oqý oryndarynyń rektorlary, eldiń ár aımaǵynan kelgen stýdentter qatysty.
Óz sózinde N.Volker atap ótkendeı, BUU Qyrǵyzstannyń eldegi beıbitshilikti saqtaý men ony bekitýge baǵyttalǵan umtylystaryn qoldap otyrady. Sondaı-aq, ol Osh pen Jalalabadta da jobalardy júzege asyrmaqshy. Eldiń ońtústiginde oryn alǵan jaǵdaıdan keıin BUU tarapynan gýmanıtarlyq kómek retinde 50 mln. dollar aýdarylǵany belgili.
R.Otynbaeva qatysýshylardy BUU-nyń 65 jyldyq mereıtoıymen quttyqtaı kele, «Halyqaralyq qatynastar fakýltetinde oqıtyn bizdiń jastarymyzdyń aǵylshyn tilin saýatty ári jaqsy úırenip alǵany meni qýantady. Sizder - bizdiń bolashaǵymyzsyzdar, tek sizder ǵana bolashaqta ózge eldermen memleketaralyq qatynastardy ornata alasyzdar», dedi.
Prezıdent habarlaǵandaı, Qyrǵyzstan 2012-2013 jyldarǵa BUU Qaýipsizdik Keńesiniń turaqty emes músheligine saılaný úshin eleýli jumys atqarady. «Bizdiń barlyǵymyz da osy saılaý nátıjelerin taǵatsyzdana kútip júrmiz. Álemdik qaýymdastyq ótken parlamenttik saılaýlardyń ashyqtyǵyn qanaǵattanarlyqpen atap ótip otyr, saılaý kezinde ákimshilik resýrsty paıdalanýdyń faktileri oryn alǵan joq», - dep atap ótti ol.
