Qyrǵyzstan 1 mamyrdan bastap shekarada PTR test pen vaktsına pasportyn talap etpeıdi

BІShKEK. KABAR-QazAqparat – Qyrǵyzstan aýmaǵynda koronavırýs ınfektsııasynyń taralýyna qarsy kúres jáne onyń saldaryn joıý jónindegi jedel shtab osyndaı sheshim qabyldady, dep habarlaıdy QazAqparat Kabar agenttigine silteme jasap.

Mınıstrler kabıneti tóraǵasynyń orynbasary Edıl Baısalov jedel shtabtyń kezekti otyrysyn ótkizdi.

Onyń qorytyndysy boıynsha 2022 jylǵy 1 mamyrdan bastap eldiń memlekettik shekarasyn kesip ótetin qyrǵyz jáne shetel azamattarynan PTR test pen vaktsına pasporty talap etilmeıdi.

Budan basqa, Qyrǵyz Respýblıkasy Mınıstrler kabınetiniń aldaǵy otyrysynda Qyrǵyz Respýblıkasy Úkimetiniń 2020 jylǵy 22 naýryzdaǵy № 93-ó ókiminiń (Tótenshe jaǵdaı rejımin engizý týraly) kúshi joıyldy dep tanýdy kózdeıtin sheshim jobasy engiziletin bolady.