Qyrǵyzdardyń «Qurmanjan datqa» kınosy Stambýlda kórsetiledi
ASTANA. QazAqparat - Qyrǵyzdyń Oskarǵa úmitker fılmi «Qurmanjan datqa» 14 qarashada Stambýlda kórsetiledi, dep habarlady «trt» agenttigi.
Qyrǵyz kınosynyń tarıhyndaǵy eń qymbat fılmderdiń biri jáne Oskarǵa úmitker retinde kórsetilgen «Qurmanjan datqa» túrik kınosúıerlerine usynylǵaly otyr.
«Qurmanjan datqa» fılminiń rejısseri - Sadyq Sher Nııaz.
Fılmde kúıeýi qastandyqpen óltirilgennen keıin Alaı qyrǵyzdarynyń basshysy bolǵan Qurmanjan datqanyń Ortalyq Azııaǵa orys ákimshiligi ústemdik ete bastaǵan kezeńdegi ómirdi baıandalǵan.
«30 jyl boıy Alaı halqyna basshylyq etken Qurmanjan datqa Alaı qyrǵyzdarynyń az zııan kórýin, jaıly ómirge jetýin qamdaǵan basshy retinde búginge deıin «Alaı Hanshaıymy» atymen tanymal bolǵan. Memlekettiń demeýimen bir jarym mıllıon dollarǵa túsirilgen fılm 14 qarashada Stambýlda túrik kınosúıer qaýymynyń nazaryna usynylady», delingen habarlamada.
