Qyrǵyzdardyń Qant qalasyndaǵy káriz jelisinen 233 snarıad tabyldy
ASTANA. QazAqparat - Qyrǵyzdardyń Qant qalasyndaǵy káriz jelisinen 233 snarıad tabyldy, dep jazady 24.kz.
«Artıllerııalyq snarıadtardy qalanyń Máskeý kóshesindegi káriz jelisiniń qaqpaǵyn ashyp kórgen turǵyndar taýyp alǵan. Bul jeli «Kant-MTS» aktsıonerlik qoǵamynyń ǵımaraty ornalasqan jerdiń astymen ótedi», - delingen TJ resmı habarlamasynda. Oqıǵa ornyna dereý jetken saperler snarıad arsenalyn jer betine aman-esen shyǵaryp aldy. Qazir olardy Bas shtabtyń arnaıy polıgonynda jaryp jiberý úshin alyp ketken. Qazir oqıǵaǵa baılanysty tergeý amaldary júrýde. Aıta ketý kerek, KSRO kezinde Qant aýmaǵynda birneshe áskerı bólimshe boldy. Al 1999-2000 jyldary el aýmaǵyna jan-jaqtan enip ketken halyqaralyq terrorıstermen kúres úshin áskerı áýe aılaǵyndaǵy barlyq qarý-jaraq pen saıman-qural ońtústikke kóshirildi.
