Qyrǵyzdar Joǵarǵy sottyń elektrondy is júrgizý tájirıbesine qyzyǵýshylyq tanytty
Joǵary sottyń baspasóz qyzmetiniń habarlaýynsha, delegatsııa quramynda - Qyrǵyz Sot departamentiniń stats-hatshysy Stalbek Qalmaqov, Qyrǵyz Joǵarǵy Sotynyń qyzmetkeri Nurqan Raıymbaev, Joǵarǵy Sot janyndaǵy «Ádilet sot» aqparattyq tehnologııalar basqarmasynyń qyzmetkerleri Aleksandr ıÝrev, Konstantın Stepanov pen Áziret Jumaqadirov, sondaı-aq, Eýropalyq odaqtyń IT jobasy jáne Quqyq damýy jónindegi halyqaralyq uıymnyń mamandary Kopetskı Krıstof pen Nurlan Dúısheev bar.
Sapar barysynda meımandar elektrondy sot isin júrgizýdi engizý jáne sottar qyzmetinde aqparattyq tehnologııalardy qoldaný boıynsha qazaqstandyq tájirıbeni zerdeleýde.
Delegatsııamen Qazaqstan Joǵarǵy Sotynyń janyndaǵy Sottardyń qyzmetin qamtamasyz etý departamenti basshysynyń orynbasary Qaırat Elibaev kezdesti. Ol Memleket basshysynyń respýblıka sýdıalarynyń VI sezinde sottardyń qoljetimdiligi men ashyqtyǵyn arttyrý boıynsha bergen tapsyrmalaryn oryndaý maqsatynda elektrondy sot isin júrgizý boıynsha júıeli jumys bastalǵanyn atap ótti. Ótken jyly Ult Josparynyń sheńberinde barlyq sot otyrysy zaldaryn aýdıo-beınetirkeý júıesimen 100%-ǵa qamtý jumysy tolyqtaı aıaqtaldy. Q.Elibaev sottardaǵy jańa tehnologııalar is júzinde ózderiniń tıimdilikterin dáleldegenin atap ótti. Aıtalyq, a.j. 5 aıda «Sot kabıneti» servısi arqyly 317 myńǵa jýyq talap aryz nemese barlyq júginýlerdiń 90 %-ǵa jýyǵy berildi. Ózara is-qımyldyń elektrondy servısi arqyly 150 myńǵa jýyq ákimshilik materıal kelip tústi, atqarýshylyq is júrgizý organdaryna 200 myńǵa jýyq atqarý paraqtary joldandy. «Sot kabıneti» servısiniń múmkindikteri aıtarlyqtaı keńeıe tústi, buıryqtyq is júrgizý boıynsha jumysqa arnalǵan jańa quraldar iske qosyldy. «Osy jobalardyń barlyǵy turǵyndar úshin yńǵaıly jaǵdaı týǵyzyp, artyq jumysty azaıtty» - dedi Q.Elibaev.
Birqatar tanystyrylymdar barysynda sheteldik meımandar qujattardy sot keńsesine bergen sátten bastap qorytyndy sheshim alǵanǵa deıingi sot tóreligin júzege asyrýdyń barlyq kezeńderinde qoldanylatyn jańa tehnologııalar arqyly sottardyń turǵyndarmen ózara is-qımyl algorıtmimen egjeı-tegjeıli tanysty.
Qyrǵyz delegatsııasy aýdıo- jáne beınetirkeý, beınebaılanys júıeleriniń mýltıplıkatıvtik múmkindikterimen de tanysty. Meımandar Joǵarǵy Sottyń Derekterdi óńdeý ortalyǵynda bolyp, jelilik ınfraqurylym, aqparattyq qaýipsizdik jáne t.b. máselelerdi talqylady.
Sapardyń ekinshi kúninde Astana qalasy sotynyń bazasyndaǵy aqparattyq tehnologııalarmen praktıkalyq tanysý ótkizý josparlanyp otyr.
Aıta keterlik jaıt, bul sapar sottar qyzmetine aqparattyq tehnologııalardy engizý jónindegi qazaqstandyq tájirıbeni zerdeleý maqsatynda sheteldik sot organdary ókilderiniń alǵashqy sapary emes. Burynyraqta osy maqsatta respýblıkamyzǵa Eýropa elderiniń, BAÁ, Egıpet, Reseı jáne AQSh ókilderi kelgen bolatyn.
