Qyrǵyzdar Qazaqstandy fýtbolshylarymyzdy qyzyqtyryp tartyp aldy dep aıyptady
ASTANA. 23 qańtar. QazAqparat - Qyrǵyzdar Qazaqstannyń fýtbol federatsııasyn qyrǵyz quramasynyń jas oıynshysy Raýl Jálılovti qyzyqtyryp shaqyryp aldy dep aıyptap otyr. Bul týraly osy eldiń fýtbol federatsııasynyń saıtynan habarlady.
Qyrǵyzdardyń bulaı shúıligýine 2013 jyldyń qazanynda ulttyq quramanyń oıynshysy 19 jastaǵy Raýl Jálılovtiń Kýveıt pen Tájikstan quramasymen oınaýdan bas tartýy sebep bolǵan. Endi oıynshy Qazaqstan Respýblıkasynyń azamattyǵyn alý máselesin qarastyryp jatyr degen aqparat tarady.
QRFF osy máselege qatysty FIFA-nyń Tártiptik komıtetine hat jazyp, onda memleket oqytyp, jattyqtyrǵan oıynshynyń basqa quramanyń shaqyrýymen ketip qalǵanyna narazylyǵyn bildirgen.
