Qyrǵyz Jogorký Keneshiniń tóraǵasy saılandy
BІShKEK. QazAqparat - Bishkektiń «Ala-Archa» memlekettik rezıdentsııasynda ótip jatqan Jogorký Keneshtiń kezekten tys otyrysynda Qanat Isaev Jogorký Kenesh tóraǵasy bolyp saılandy. QazAqparat bul týraly Kabar.kg aqparat agenttigine silteme jasap habarlaıdy.
Tóraǵany saılaýǵa daýys berý jasyryn ótip, otyrysqa qatysqan 80 depýtattyń 78-i Qanat Isaevtyń kandıdatýrasyna qoldaý kórsetti. Tek 2 depýtat Qanat Isaevtyń Jogorký Kenesh tórasy bolýyna qarsylyq tanytty. Jańa saılanǵan tóraǵa bul laýazymǵa jalǵyz úmitker bolǵan edi.
Aıta keterligi, búgin Jogorký Keneshtiń kezekten tys otyrysy barysynda depýtattar Qyrǵyzstan Prezıdentiniń Bishkek aýmaǵynda tótenshe jaǵdaı engizý týraly jarlyǵyna qoldaý bildirgen bolatyn. Jarlyqqa sáıkes, 12 qazan kúni saǵat 20.00-den 19 qazan kúngi saǵat 07.00-ge deıin tótenshe jaǵdaı engiziledi. Qalada keshki saǵat 22.00-den tańǵy saǵat 05.00-ge deıin komendattyq saǵat bolady.
