Qyrǵyz jáne tájik shekarashylary arasynda qarýly qaqtyǵys boldy
Qyrǵyzstannyń Memlekettik shekara qyzmetiniń aqparaty boıynsha Tájikstan shekarashylary qyrǵyz áskerı qyzmetshilerine qarsy birinshi bolyp qarý qoldanǵan. Qyrǵyz shekarashylaryna qarsy oq atýdy Tájikstannyń MUQK shekara áskeri arnaıy jasaq bólimshesiniń bastyǵy bastaǵan. Sondaı-aq tájik tarapynan atys qarýymen qosa mınomet qoldanylǵan.
Odan ári Qyrǵyzstannyń Batken oblysy men Tájikstannyń Soǵdy oblysynyń óńirlik shekara basqarma bastyqtarynyń kezdesýi barysynda tájik tarapyna jarylmaı qalǵan mınomet snarıady kórsetildi.
Oryn alǵan qaqtyǵysqa baılanysty Qyrǵyz Respýblıkasynyń Memlekettik shekara qyzmeti tájik tarapyn qyrǵyz áskerı qyzmetshilerine qatysty qarý qoldanǵany jáne qyrǵyz-tájik memlekettik shekarasynda shekarashylardyń áreketterindegi óreskel buzýshylyq faktisi boıynsha túsinikteme berýge shaqyrdy.
Resmı aqparat boıynsha atys nátıjesinde Qyrǵyzstannyń MShQ bes áskerı qyzmetshisi jaraqat aldy. Olardyń ishinde bireýiniń densaýlyq jaǵdaıy aýyr dep baǵalanyp otyr. Zardap shekkender Batken oblysy aýrýhana dárigerleriniń jiti baqylaýynda. Tájik áskerı qyzmetshleriniń arasynda da jaraqat alǵandar bar.
