Qyrǵyz vıtse-premeri Jumaqadyrov jol apatynan qaza tapty
ASTANA. QazAqparat - Qyrǵyz Respýblıkasy premer-mınıstriniń orynbasary Temir Jumaqadyrov Talas oblysynda bolǵan jol apatynda mert boldy.
Bul jaıly Qyrǵyzstandy áleýmettik-ekonomıkalyq damytýǵa, eldiń rýhanı jáne ıntellektýaldyq áleýetin arttyrýǵa qosqan eleýli úlesi úshin memlekettik syılyqtardy tapsyrý kezinde Qyrǵyzstan prezıdenti Almazbek Atambaev málimdedi, dep habarlaıdy Kabar.
Onymen birge kómekshisi Nurlan Jamgyrchıev pen júrgizýshi de ajal qushty.
Qaıǵyly oqıǵa Bishkek-Qara Balta avtojolynyń 36 shaqyrymynda, Sadovoe aýylynyń mańaıynda bolǵan. Vıtse-premer mingen jol talǵamaıtyn kólik tirkemesi bar KamAZ-ben soqtyǵysqan, júk kóliginiń júrgizýshisi aýrýhanaǵa jetkizilgen.
