Qyrǵyz-tájik shekarasyndaǵy jaǵdaı ýshyǵyp tur: shekarashyǵa oq tıdi
BІShKEK. QazAqparat – Qyrǵyzstan men Tájikstan shekarasyndaǵy jaǵdaı ýshyǵyp tur, dep habarlaıdy «QazAqparat» HAA Kabar agenttigine silteme jasap.
Qyrǵyz Respýblıkasy Memlekettik shekara qyzmetiniń qoǵammen jáne BAQ-pen baılanys bólimi habarlaǵandaı, shekara mańynda turatyn halyqpen túsindirý jumystaryn ótkizý kezinde Tájikstan tarapynan Qyrǵyzstan azamatyna eki ret oq atylǵan. Sonyń saldarynan QR Shekara qyzmetiniń áskerı qyzmetkeri jaralandy. Kezdesýge Qyrǵyz Respýblıkasy Memlekettik shekara qyzmetiniń tóraǵasy Ýlarbek Sharsheev, Qyrǵyzstan bıliginiń Batken oblysyndaǵy ókiletti ókili Akram Madýamarov qatysqan.
Shekara bólimsheleri memlekettik shekaranyń atalmysh aýmaǵynda qyzmet atqarýdyń kúsheıtilgen rejımine kóshirildi.
Isfara-Vorýh avtojolyndaǵy qozǵalysqa shekteý qoıyldy. Sondaı-aq, Tájikstan azamattary Isfana-Batken tas jolyndaǵy qozǵalysty toqtatty.
Búgin, 2019 jylǵy 23 shilde kúni, Qyrǵyzstan men Tájistan elderiniń shekara vedomstvolary basshylarynyń kezdesýi ótedi dep josparlanǵan.
Eske salaıyq, qyrǵyz-tájik shekarasyndaǵy kezekti qaqtyǵys keshe, 2019 jylǵy 22 shildede, shamamen saǵat 17.30-da oryn alǵan edi.
