Qyrǵyz-tájik shekarasyndaǵy jaǵdaı shıelenisip tur – Shekara qyzmeti
BІShKEK. KABAR-QazAqparat – Memlekettik shekaranyń qyrǵyz-tájik ýchaskesindegi jaǵdaı shıelenisti bolǵanymen, salystyrmaly túrde turaqty. Bul týraly Qyrǵyz Respýblıkasy Ulttyq qaýipsizdik memlekettik komıteti Shekara qyzmetiniń qoǵammen jáne BAQ-pen baılanys jónindegi bólimi habarlaıdy, dep jazady QazAqparat Kabarǵa silteme jasap.
Qyrǵyzstan azamattarynyń qaýipsizdigin qamtamasyz etý, sondaı-aq shekara mańyndaǵy aýmaqtarda zań buzýdy boldyrmaý jáne jaǵdaıdy ýshyqtyrmaý maqsatynda Batken oblysynda ornalasqan shekara bólimsheleri kúsheıtilgen rejımde qyzmet atqarýda. Qyrǵyzstan prezıdenti Sadyr Japarov Qyrǵyzstan Qaýipsizdik Keńesiniń shaǵyn quramdaǵy otyrysyn ótkizdi. Bul týraly Kabar Prezıdent apparatynyń aqparattyq saıasat bóliminen habarlady.
Otyrys barysynda memlekettik shekaranyń qyrǵyz-tájik ýchaskesindegi shıelenis deńgeıin tómendetý jáne qalyptasqan jaǵdaıdy álsiretý, eldiń aýmaqtyq tutastyǵyn saqtaý, shekara mańyndaǵy aýmaqtar turǵyndarynyń qaýipsizdigin qamtamasyz etý boıynsha sharalar talqylandy. Prezıdent Sadyr Japarov barlyq jumyldyrylǵan memlekettik organdardyń qalyptasqan jaǵdaıdy beıbit jolmen retteıtin sharalardy qabyldaý kerektigin ekenin aıtty.
