Qyrǵyz-tájik shekarasyndaǵy oqıǵa: Taraptar shıelenisti birlesip sheshpek
Tájikstan ulttyq aqparattyq agenttiginiń habarlaýynsha, shekaradaǵy Qyrǵyzstan men Tájikstan azamaty arasyndaǵy shıelenis 14 naýryz kúni jergilikti ýaqytpen saǵat 15:30 kezinde bolǵan.
Qyrǵyzstan tarapyndaǵy azamattyń qarý qoldanýy saldarynan tájikstandyq kóz jumyp, jaraqattanǵan ekinshi adam aýrýhanaǵa jetkizilgen.
Sol kúni Tájikstan Respýblıkasynyń prezıdenti Emomalı Rahmon men Qyrǵystan prezıdenti Sooranbaı Jeenbekov telefon arqyly sóılesti, dep habarlady «Hovar» TUAA.
Eki memlekettiń basshylary taraptardyń quzyretti organdaryna adam ólimine ákelip soqtyrǵan oqıǵany jan-jaqty tergeý, sondaı-aq kelissózder arqyly ony sheshý jóninde nusqaýlar berýge kelisti.
Búgin Qyrǵyzstan Respýblıkasynyń vıtse-premer-mınıstri Jenısh Razakov pen TR premer mınıstriniń orynbasary Azım Ibrohımniń basshylyǵymen Qyrǵyzstan men Tájikstan ókilderi qatysqan ekijaqty kelisimder jasaldy.
Kezdesý barysynda eki eldiń ishki ister mınıstrleriniń basshylary Kashkar Djýnýshalıev pen Ramazon Rahımzoda qyrǵyz-tájik memlekettik shekarasyndaǵy jaǵdaıdy retteý jáne shekara mańyndaǵy aýdandardaǵy qoǵamdyq qaýipsizdikti qamtamasyz etý máselelerin talqylady. Qazirgi ýaqytta atalǵan kelisimdi oryndaý maqsatyndaǵy jumystar bastalyp ketti.
