Qyrǵyz-tájik shekarasynda taǵy da atys bolyp, 1 adam zardap shekti
Qyrǵyzstandyq Kabar agenttiginiń habarlaýynsha, oqıǵa búgin tańǵy saǵat 6-7 shamasynda Batken oblysy Bulaq-Basy eldi mekeninde bolǵan. Tájikstan taraby qyrǵyzdarǵa granatomet penı mınomet qoldanǵan. Qazirgi kezde jaǵdaı birshama turaqtanǵanmen shekaradaǵy másele kúrdeli bolyp qalýda. Tájikstan men Qyrǵyzstan birqatar sheshim qabyldaǵan.
Al Tájikstannyń memlekettik Hovar agenttigi taratqan málimet boıynsha, shekaradaǵy «Keh» beketinde qarýly atys bolǵan. Onyń saldarynan Tájikstan shekara qyzmetiniń komandıri jaraqat alyp, aýrýhanaǵa jetkizilgen. Onyń jaǵdaıy aýyr dep baǵalanyp otyr.
Osy oqıǵaǵa oraı Tájikstannyń Syrtqy ister mınıstrligi arnaıy málimdeme taratty.
Budan buryn habarlaǵanymyzdaı, bıylǵy qańtar aıynda Tájikstan men Qyrǵyzstan shekarasynda qaqtyǵys bolyp, eki eldiń áskerı qyzmetshileri Batken aýdanyna qarasty Tórt-Kóchó degen jerde bir-birine oq jaýdyrdy.
QazAqparat tilshisi tájik-qyrǵyz shekarasyndaǵy janjaldyń qalaı ýshyqqany týraly jan-jaqty aqparat bergen bolatyn.