Qyrǵyz-tájik shekarasynda oryn alǵan qaqtyǵystan 5 adam zardap shekti
«Aldyn ala derekter boıynsha, 2015 jylǵy 3 tamyzdaǵy Qyrǵyzstan men Tájikstan azamattary arasyndaǵy qaqtyǵys saldarynan Qyrǵyzstannyń bes azamaty túrli dárejedegi den jaraqatyn aldy, sondaı-aq QR azamattarynyń 7 úıi, bir kólik zaqymdandy».
3 tamyzda oqıǵa ornyna jınalǵan shekaralyq aýdan turǵyndary tek 4 tamyzda 3:00 shamasynda tarady. 4 tamyzda 9:00-de jaǵdaı turaqtaldy.
Eske salsaq, 3 tamyzda Qyrǵyzstannyń Batken oblysy Batken aýdany Kok-Tash aýylynyń turǵyndary men Tájikstan azamattary arasynda qaqtyǵys oryn aldy. Shamamen 120 tájikstandyq pen 80 qyrǵyzstandyq bir-birine tas laqtyrǵan.
Eki respýblıkanyń shekaralas aýdandarynyń turǵyndary arasyndaǵy janjal Tájikstan azamattary Kok-Tash (QR) turǵyndary zıratqa kólikpen ótetin joldy jaýyp tastaǵannan týyndady. Jol tájik otbasylary turatyn Maı aýyly arqyly ótedi. Narazy bolǵan qyrǵyzstandyqtar tájiktiń Chorký aýylyna baratyn sý arnasyn jaýyp tastady.