Qyrǵyz tasymaldaýshylary Qazaqstannyń zańnamasyn jıi buzady - IDM
ASTANA. QazAqparat - Sońǵy ýaqytta qyrǵyz tasymaldaýshylarynyń Qazaqstan Respýblıkasynyń kóliktik zańnamasyn kózge ilmeý oqıǵalarynyń sany artqan. Bul týraly QR QazAqparat Investıtsııalar jáne damý mınıstrliginiń baspasóz qyzmetine silteme jasap habarlaıdy.
Máselen, 10 qazan kúni saǵat 14:00 ýaqytynan bastap 29 qazan kúngi saǵat 14:00 ýaqytyna deıin Qyrǵyz Respýblıkasyna tıesili tekserilgen 2901 kólik quralynyń 342-i óreskel buzýshylyqqa jol bergen.
«Salmaqty gabarıt parametrlerin asyrý boıynsha 67, kabotajdy júkti alyp júrý boıynsha 11, qazaqstandyq ruqsat blankysy joq 1, qazaqstandyq ruqsat blankisiniń úshinshi elde júrýge qatysty 1, sonymen birge ózge de 262 buzýshylyq anyqtaldy. Joǵaryda atalǵan buzýshylyqtaryń barlyǵy úshin 10 mln 527 teńgeniń aıyppuly salyndy. Buǵan qosa jolaýshylardy tasymaldaýǵa ruqsaty joq avtobýs aıyppul turaǵyna jetkizildi», - dep habarlaıdy vedomstvodan.
