Qyrǵyz shekarasyndaǵy qazaqstandyqtyń óliminiń mán-jaıy anyqtaldy
ASTANA. QazAqparat - Qazaqstan men Qyrǵyzstannyń shekara qyzmetteriniń basshylary memlekettik shekarada qarý qoldaný máselelerin talqylaıdy. Bul týraly QR UQK tóraǵasynyń orynbasary - Shekara qyzmetiniń dırektory Darhan Dilmanov málim etti, dep habarlaıdy QazAqparat.
Búgin QR Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy Qazaqstan-Qyrǵyz shekarasynyń rejimi týraly kelisimdi ratıfıkatsııalaý týraly» zań jobasy qaraldy.
Otyrys barysynda D. Dilmanov Qazaqstan - Qyrǵyzstan shekarasyndaǵy atystan bir adamnyń mert bolýyna qatysty oqıǵaǵa túsinik berdi.
«Biz shekarashy áriptestermen bul jaǵdaıdy tekserip shyqtyq. Sonymen qatar, bul máselege baılanysty eki eldiń memlekettik organdarynyń ókilderi de tartyldy. Atalǵan oqıǵada anyqtalǵan úsh adam Qazaqstan azamattary bolyp otyr. Olardyń ekeýi buǵan deıin memlekettik shekarany zańsyz kesip ótkeni úshin qylmystyq jaýapkershilikke tartylǵan. ıAǵnı olar Qyrǵyzstan aýmaǵyna birneshe ret ótken. Ekeýi shartty túrde 6 aıǵa jazalanǵan», - dedi Shekara qyzmetiniń dırektory.
Onyń sózine qaraǵanda, memlekettik shekarany olar taýly aýmaqta kesip ótken.
«Mal urlaý maqsatynda olar Qyrǵyzstanǵa qaraı shekarany zańsyz ótip, urlyq jasady. Bizde 10 bas mal urlandy degen málimet taraǵan, al qyrǵyz jaǵy maldyń 15-ke jýyq ekendigin aıtýda. Qalaı bolǵanda da bul fakti oryn alǵan. Shekara buzýshy(Qazaqstan azamaty) tarapynan Qyrǵyzstan shekarashysynyń ómirine qaýip tónetindeı is-qımyl jasalǵany aıtyldy. Qyrǵyz shekarashylarynyń atap ótýinshe, ol ofıtser men sarbazǵa pyshaq alyp júgirgen. Óz kezeginde shekarashylar oq atqan», - dep túsindirdi D. Dilmanov.
Onyń sózine qaraǵanda, eki el shekarasynda jıi kezdesetin zań buzýshylyqtar mal urlyǵyna qatysty bolyp otyr. Bul turǵyda kóbine Qyrǵyzstan azamattary aldyn ala ýaǵdalasa otyryp, Qazaqstan aýmaǵyna mal ótkizedi. Sońǵy úsh jylda shekarany osylaı zańsyz kesip ótýge baılanysty 26 fakti tirkelgen. Jalpy, 573 jylqyny ótkizbek bolǵan.
Budan buryn habarlanǵandaı, 23 qańtarda qazaq-qyrǵyz shekarasynda atys bolyp, oqıǵa ornynda otandasymyz mert boldy.
Kóp uzamaı elimizdiń syrtqy mınıstrligi oryn alǵan oqıǵaǵa qatysty túsinikteme berdi.
