Qyrǵyz shekarashylary sodyrlar tobymen atysyp jatyr
ASTANA. 23 qańtar. QazAqparat - Ystyqkól oblysynda qyrǵyz shekarashylary sodyrlar tobymen atysyp jatyr. Bul týraly Reseıdiń «Jańalyqtar» aqparat agenttigine Qyrǵyzstannyń Memlekettik shekara qyzmetiniń baspasóz hatshysy Gúlmıra Bóribaeva málim etken.
«Ystyqkól shekara otrıady ýchaskesinde shekara kezekshileri men belgisiz adamdar arasynda qarýly qaqtyǵys boldy. Shekarashylarǵa kelip túsken aqparatqa qaraǵanda, olar ańshy sharýashylyǵy qoryqshysyn óltirip, onyń myltyǵymen qarýlanǵan», - dedi ol.
Onyń atap ótýinshe, dabyl arqyly oqıǵa ornyna jetken shekarashylar 2 sodyrdyń kózin joıǵan. Taǵy da 10-nan astam adam jylyný beketine tyǵylyp otyr. Oqıǵa ornyna Shý shekara otrıady arnaıy jasaǵynyń toby tikushaqpen ushyp shyqty.
