Qyrǵyz sarbazdarynyń tamaqtanýyna kúnine 60 som bólinedi - ombýdsmen
ASTANA. QazAqparat - Qyrǵyz armııasynda sarbazdarǵa táýligine 60 somnyń (288 teńge) tamaǵy beriledi. Bul týraly Qyrǵyzstan ombýdsmeni Qubat Otorbaev málim etti, dep habarlaıdy kyrtag.kg.
Áskerılerdi tamaqtandyrýǵa qarjy jetispeýshiligi jaıynda máseleni adam quqyǵy jónindegi ýákil Qubat Otorbaev Qorǵanys máseleleri jónindegi memlekettik komıtet tóraǵasy Marat Kenjesarıevpen kezdesýinde kótergen.
«Qazirgi tańda áskerılerdi tamaqtandyrýǵa kúnine 60 som bólinedi. Bul jetkiliksiz. Salystyra aıtsaq, túrmedegi jazasyn óteýshini tamaqtandyrýǵa kúnine 86 som bólinedi», - dedi ombýdsmen.
