Qyrǵyz sarbazdarynyń áskerı boryshyn óteý merzimi qosymsha 2 aıǵa deıin sozylýy múmkin

ASTANA. KABAR-QazAqparat – Qyrǵyz eliniń áskerı qyzmet týraly zańnamasyna ózgertýler engizildi, dep habarlaıdy QazAqparat «Kabar» aqparat agenttigine silteme jasap.

Qyrǵyz Respýblıkasynyń Prezıdenti Sadyr Japarov 14 shilde kúni «Qyrǵyz Respýblıkasy azamattarynyń jalpyǵa birdeı áskerı mindeti, áskerı jáne balama qyzmetter týraly» QR Zańyna ózgerister engizý týraly» QR Zańyna qol qoıdy.

Jogorký Kenesh atalǵan zańdy 7 maýsymda qabyldaǵan bolatyn.

Zańǵa sáıkes, joǵary oqý oryndaryn bitirgen azamattar úshin kelisimshart boıynsha áskerı qyzmet merzimi 5 jyldan 10 jylǵa deıin ulǵaıtyldy.

Sondaı-aq, qorǵanys máseleleri jónindegi ýákiletti memlekettik organnyń basshysyna merzimdi áskerı qyzmettegi áskerı qyzmetshilerdi áskerı qyzmette belgilengen merzimnen artyq ýaqytqa qaldyrý quqyǵy berildi. Áskerde qosymsha qaldyrý ýaqyty 2 aıǵa deıin sozylýy múmkin. Bul shara Qarýly kúshter Bas shtaby bastyǵynyń, merzimdi áskerı qyzmet kózdelgen memlekettik organnyń tıisti basshysynyń ótinishi boıynsha júzege asyrylady.