Qyrǵyz sarapshysy ekstremızmmen kúres jónindegi qazaqstandyq tájirıbeni engizýdi usyndy
BІShKEK. QazAqparat - Soǵys jáne beıbitshilik materıaldary ınstıtýtynyń qoldaýymen ótken Qyrǵyzstannyń qaýipsizdik máselelerine arnalǵan Bishkektegi dóńgelek ústelde sarapshy Nargıza Alapaeva ekstremısterdiń jastardy dinı-radıkaldy aǵymǵa arbaýynyń aldyn alý úshin Qazaqstannyń tájirıbesin qoldanysqa engizýdi usyndy.
«Arbaýshylar (dinı-ekstremıstik uıymnyń - red. QazAqparat) áleýmettik jaǵdaıy tómen azamattardy ǵana emes, bilimdi jáne qyzmet jasap júrgen jastardy da óz qatarlaryna tartýmen aınalysyp kele jatqanyn tájirıbe kórsetip otyr. Bizdiń elimiz qol qýsyryp qarap otyr degim kelmeıdi. Jumystar júrgizilip jatyr, biraq sonda da dinı ekstremızmniń aldyn alý sharalaryn kúsheıtý qajet. Mysal retinde kórshi Qazaqstannyń tájirıbesin alýǵa bolady, 2013 jyly QR Prezıdentiniń jarlyǵymen is júzinde jastar arasyndaǵy ózekti máselelerdi sheship, ekstremıstik ıdeologııanyń radıkaldy ıdeıalaryna boı aldyrýǵa jol bermeıtin Antıterrorıstik kommıssııa quryldy», - dedi qaýipsizdik boıynsha sarapshy N.Alapaeva.
Qyrǵyz sarapshylary oǵan qazaqstandyq tájirıbeni Qyrǵyzstan jaǵdaıynda qoldaný múmkindigi týraly birqatar suraqtar qoıdy.
