Qyrǵyz sarapshysy: Astana - Ortalyq Azııanyń injý-marjany
BІShKEK. QazAqparat - Astana - barsha álemge Qazaqstannyń XXI ǵasyrdaǵy halyqaralyq bedelin, saıası qýattylyǵy men ekonomıkalyq áleýetin kórsetken zamanǵa saı jáne qarqyndy damyp kele jatqan megapolıs. Mundaı pikirdi Astana kúnin toılaý qarsańynda «QazAqparat» tilshisine bergen suhbatynda belgili qyrǵyzstandyq qoǵam qaıratkeri, Qyrǵyzstan Respýblıkasynyń Qarýly kúshterdiń bas shtaby basshysynyń burynǵy orynbasary Malık Jumaǵulov bildirdi.
Qazaqstandyq elordanyń aýysýy tarıhyna kóz salǵan sarapshy Elbasy Nursultan Nazarbaevtyń saıası erki men strategııalyq oılaýy men danalyǵyn atap ótti.
«Búginde Astana - Qazaqstannyń betke ustary, zamanǵa saı jáne qarqyndy damyp kele jatqan megapolıs brendi Ortalyq Azııanyń injý monshaǵy injý-marjany atanýǵa laıyq. Ol barsha álemge Qazaqstannyń XXI ǵasyrdaǵy halyqaralyq bedelin, saıası qýattylyǵy men ekonomıkalyq áleýetin kórsetti. Qala kúni onyń negizin qalaýshynyń týǵan kúnimen sáıkes keldi. 1994 jyly 6 shildede Qazaqstannyń Joǵarǵy keńesi elordany Almatydan Aqmolaǵa kóshirý týraly tarıhı sheshim qabyldandy. Nazarbaevtyń Astananyń qurylýyna qosqan mol úlesin moıyndaý retinde qazaqstandyq qoǵamnyń on jyl buryn biraýyzdan 6 shildeni Qala kúni retinde jarııa etýi zańdy.
2017 jyly Qazaqstan jáne Astana tarıhynda jańa paraq ashady. «EKSPO» halyqaralyq kórmesi men BUU Qaýipsizdik Keńesine eldiń múshe bolýy álemdik qoǵamnyń nazaryn Qazaqstanǵa aýdyrady.
Qyrǵyzstandyqtardyń atynan baýyrlas Qazaqstan halqyn jáne QR Prezıdenti N.Á.Nazarbaevty ataýly merekelermen quttyqtap, baqyt pen órkendeý jáne tatý dostyq qarym-qatynasymyzdyń keńeıýin tileımin», - dedi ol.
