Qyrǵyz Respýblıkasynyń ýaqytsha úkimeti saılaýaldy naýqanǵa qatysýdy josparlaǵan úkimet músheleriniń otstavkaǵa ketý qajettiligi týraly máseleni áli sheshken joq
BІShKEK. Maýsymnyń 4-i. QazAqparat /Evgenıı Novıkov/ - Qyrǵyzstannyń ýaqytsha úkimetiniń beısenbi kúni ótken kezekti májilisinde parlamenttik saılaýǵa qatysýǵa nıetti úkimet músheleriniń otstavǵa ketý qajettiligi máselesi boıynsha pikirler ekige bólindi,
dep habarlady ýaqytsha úkimettiń baspasóz qyzmetinen.
Atap aıtqanda, «Jogorký Keneshke ótetin saılaýǵa ýaqytsha úkimet músheleriniń qatysýynyń keıbir máseleleri týraly» dekrettiń jobasy týraly» baıandamasynda Tótenshe jaǵdaılar mınıstriniń mindetin ýaqytsha atqarýshy Dúıshenqul Chotonov, saılaýǵa qatysýǵa nıetti ýaqytsha úkimet músheleri qyzmetterin bosatýlary kerektigin aıtty. Onyń pikirinshe, eger olar úkimettiń jumysyna ári qaraı atsalysa berse, halyqtyń senimin joǵaltady jáne saılaýdyń ashyq ótetindigine kúmán týǵyzady.
Al qarjy mınıstriniń mindetin atqarýshy Temir Sarıev pen ýaqytsha úkimet tóraıymynyń orynbasary Ázimbek Beknazarov óz kezekterinde basqasha pikir aıtty. T.Sarıevtiń aıtýynsha, qazirgi tańda sheshimdi kútip turǵan máseleler kóp, sebebi ýaqytsha úkimettiń árbir múshesi óz moınyna úlken jaýapkershilik alyp otyr jáne olar eldegi jaǵdaıǵa jaýap berýleri kerek. Sondyqtan da, olardyń saılaý aıaqtalǵannan keıin qyzmetterin bosatqandary jón, deıdi ol.
Al áriptesteriniń aıtqandaryn qorytyndylaǵan ýaqytsha úkimet tóraǵasy, ótpeli kezeń prezıdenti Roza Otynbaeva, saılaýǵa qatysqaly otyrǵan ýaqytsha úkimettiń músheleri, otstavkaǵa ketkennen keıin de eldi basqarýǵa atsalysýlary kerek ekenin aıtty. Prezıdent, olardyń úkimet otyrystaryna qaısybir máseleler boıynsha óz pikirlerin bildiretin konsýltatsııalyq bıýro retinde qatysýlaryna bolatynyn paıymdady.
Ýaqytsha úkimet músheleri bul máseleniń qaralýyn kelesi májiliske qaldyrý týraly sheshim qabyldady.
Ýaqytsha úkimet tóraıymynyń úsh orynbasary da - Temir Sarıev, Ázimbek Beknazarov jáne Ómirbek Tekebaev - 2010 jyly qazannyń 10-ynda ótetin parlamenttik saılaýǵa qatysý nıetteri týraly jarııalap otyr.
