Qyrǵyz Respýblıkasynyń saıası elıtasy men halqy eń aldymen óz yntymaqtastyǵyn nyǵaıtýy qajet - Qazaqstan halqynyń rýhanı damý qorynyń prezıdenti
; ALMATY. Sáýirdiń 9-y. QazAqparat /Erlik Erjanuly/ - Qyrǵyzstandaǵy sońǵy jaǵdaılar aımaqtyq ahýalǵa óz yqpalyn tıgizedi. Bul búgin Almatyda ótip jatqan «Ortalyq Azııada beıbitshilik pen qaýipsizdikti qamtamasyz etýdegi Qazaqstannyń róli» dep atalatyn halyqaralyq ǵylymı-tájirıbelik konferentsııada aıtyldy,
habarlaıdy QazAqparat.
«Memleket basyna kelgen adam moınyna úlken júk artady. El basshylary halyqtyń jaǵdaıyn jaqsartyp, sana-sezimin kóterýge basa mán berýleri kerek edi», deıdi Qazaqstan halqynyń rýhanı damý qorynyń prezıdenti Almaz Nurazhan. Almaz Shaıkenulynyń aıtýynsha, Qazaqstan Prezıdenti shetelden keńesshiler shaqyryp aldymen ekonomıkany kóterýge kúsh salǵan kezde oǵan qarsylyq bildirgen adamdar az bolǵan joq. Alaıda halyqtyń aýyzbirshilik tanytýynyń arqasynda qazir bul bastama óz jemisin berýde. Sondyqtan daǵdarystan shyǵý úshin Qyrǵyz Respýblıkasynyń saıası elıtasy men halqy eń aldymen óz yntymaqtastyǵyn nyǵaıtýy qajet. Osy sebepti aımaqtaǵy yntymaqtastyq pen qaýipsizdiktiń saqtalýyna múddeli barlyq ǵalymdar men sarapshylar arnaıy bas qosyp, óz sheshimderin memleket basshylarynyń nazaryna usynýǵa uıǵarym jasap otyr.
