Qyrǵyz Respýblıkasy BUU Adam quqyqtary jónindegi Keńesiniń múshesi bop saılandy

ASTANA. QazAqparat - 2015 jylǵy 28 qazanda Nıý-Iork qalasynda BUU Bas assambleıasynyń 42-shi plenarlyq otyrysynda BUU Adam quqyqtary jónindegi Keńeske 2016-2018 jj. kezeńine memleketterdi saılaý ótti.

Bul týraly KırTAG Qyrǵyz Respýblıkasy syrtqy ister mınıstrligine silteme jasap habarlady.

«Ulttyq ta, halyqaralyq deńgeıde de adam quqyqtaryn qorǵaýǵa, quqyq pen demokratııa ústemdigin nyǵaıtýǵa mańyzdy mán bere otyryp Qyrǵyz Respýblıkasy BUU basty organdarynyń birine óz kandıdatýrasyn usyndy. BUU Azııalyq-tynyq muhıttyq óńirlik tobynan 5 bos orynǵa 7 el úmitker boldy», - delingen habarlamada.

Daýys berý nátıjesi boıynsha Qyrǵyz Respýblıkasy BUU Adam quqyqtary jónindegi Keńeske múshesi bolyp saılandy. Qyrǵyzstan BUU-ǵa múshe 192 memleketten 147 daýys jınap, kóshbasshylar úshtigine endi.

Qyrǵyzstan 2016 jylǵy 1 qańtardan bastap Keńestegi óz músheligin júzege asyrýǵa kirisedi.