Qyrǵyz prezıdenti Túrki akademııasynyń basshysy Darhan Qydyrálini qabyldady
Qyrǵyz basshysy Túrki akademııasy túrkitildes halyqtardyń rýhanı murasyn, shyǵarmashylyq jáne óner qundylyqtaryn zertteý, dáripteý baǵyttarynda úlken jumystar atqaryp jatqanyn atap aıtty.
«Qyrǵyz halqynyń rýhanı muralaryn zerttep ony túrkitildes halyqtar arasynda tanytý maqsatynda jasap jatqan eńbekterińiz rızashylyq týǵyzady. «Manas» epostyq jyry men áıgili jazýshy Shyńǵys Aıtmatovtyń úzdik ádebı týyndylaryn jarııalaýdaǵy sizderdiń eńbekterińiz túrkitildes halyqtardyń rýhanı jaqyndasýyna zor yqpalyn tıgizedi», - dedi Sooronbaı Jeenbekov.
Túrki akademııasynyń prezıdenti Parıjdegi ıÝNESKO-nyń shtab-páterinde. Astana, Bishkek jáne Tashkent qalalarynda Shyńǵys Aıtmatovtyń 90 jyldyǵyna oraı eńbekter jaryq kórip, arnaıy konferentsııalar ashylǵanyn, «Manas» eposy, qyrǵyz ádebıeti jáne onyń tarıhyna baılanysty is-sharalar ótip jatqany týraly aıtty.
«Túrki akademııasy halyqaralyq uıym retinde Qyrǵyz elinde ótetin barlyq is-sharalarǵa atsalysyp, mindetti túrde qatysatyn bolady. Bizdiń maqsatymyz - túrki álemin barlyq salalarda, ásirese, ǵylymı baǵytta biriktirý», - dedi Darhan Qydyráli.
Sondaı-aq, Darhan Qydyráli men Túrki akademııasynyń ókili, professor Qadyráli Qonqobaev Qyrǵyz basshysyn epostyń birneshe nusqada arab qarpimen jazylǵan qoljazbalarymen tanystyrdy. Jáne Sooronbaı Jeenbekovke Altaıda 3000 metr bıiktikte tabylyp, jańasha qalypqa keltirilgen qyl qyıaq aspabyn syıǵa tartty.
Qyrǵyz Prezıdenti qonaqtarǵa zor alǵysyn bildirip qana qoımaı, qoljazbany jasaýǵa jan-jaqty kómek kórsetetinin jáne qyl qyıaq aspaby Bishkek qalasynyń tarıhı mýzeıine jetkiziletinin aıtty.
