Qyrǵyz Prezıdenti Qazaqstan halqyna kóńil aıtty
BІShKEK. QazAqparat – Qyrǵyz Respýblıkasynyń Prezıdenti Sooronbaı Jeenbekov QR Prezıdenti Qasym-Jomart Toqaevqa jáne Qazaqstan halqyna Almaty qalasy mańynda bolǵan ushaq apatyna baılanysty kóńil aıtty. Bul týraly QazAqparat Qyrǵyz Prezıdentiniń resmı saıtyna silteme jasap.
«Almaty-Nur-Sultan áýe reısi apaty saldarynan qaza tapqan adamdar týraly habardy zor kúızelispen qabyldadyq. Qyrǵyz halqy men óz atymnan qaza bolǵandardyń otbasylaryna, týǵan-týystaryna qaıǵyryp kóńil aıtamyn. Apattan zardap shekkenderdiń tezirek saýyǵyp ketýine tiltestik bildiremiz»,-delingen kóńil aıtý jedelhatynda.
Aıta keteıik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.
Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.
QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi.
Elbasy Nur-Sultan Nazarbaev jolaýshylar ushaǵynyń apatqa ushyraýyna baılanysty kóńil aıtty.
