Qyrǵyz Prezıdenti Qaraǵandy oblysyndaǵy jol apatynda qaza tapqan qyrǵyzstandyqtardyń týystary men jaqyndaryna kóńil aıtty
BІShKEK. 8 mamyr. QazAqparat - Qyrǵyz Respýblıkasynyń Prezıdenti 8 mamyrdyń túninde Qaraǵandy oblysyndaǵy jol-kólik apaty saldarynan qaza tapqan otandastarynyń týystary men jaqyndaryna kóńil aıtty,
dep habarlaıdy Qyrǵyz Basshysynyń baspasóz qyzmetinen.
Kóńil aıtý jedelhatynda: «Qazaqstannyń Qaraǵandy oblysynda Qyrǵyzstan azamattary qaza tapqan kólik apaty týraly habar júregime aýyr tıdi. Qaza tapqandardyń otbasylarynyń basyna túsken úlken qaıǵyǵa ortaqtasyp, bul apatta jaqyndaryn joǵaltqandarǵa kóńil aıtamyn», - dep jazylǵan.
Qyrǵyzstannyń Qazaqstandaǵy Elshiliginiń málimetterinshe, apatta qaza tapqan qyrǵyzstandyq Jalal-Abad oblysynyń turǵyndary Reseı Federatsııasyna bara jatqan.
