Qyrǵyz Prezıdenti aýrýhanadan apta sońynda shyǵýy múmkin

Bul týraly «RIA Jańalyqtary» qyrǵyz basshysynyń baspasóz qyzmetine silteme jasap habarlady.

«Qazirgi ýaqytta júrek arıtmııasymen baılanysty túıitkil tolyǵymen joıyldy. Dárigerler Almazbek Atambaevtyń densaýlyq jaǵdaıy anaǵurlym jaqsarǵanyn atap ótti. Olardyń uıǵarymy boıynsha, prezıdenttiń jaǵdaıy qanaǵattanarlyq dep baǵalanyp, ony osy aptanyń sońynda shyǵarýy múmkin», - delingen habarlamada.

Baspasóz qyzmetinen naqtylap ótkendeı, 2008 jyly bolǵan ýlaný oqıǵasynan keıin prezıdentke Túrkııada ota jasalǵan. Dárigerler osy syrqatqa baılanysty da medıtsınalyq aldyn alý sharalaryn ótkizdi.

Eske salaıyq, BUU Bas Assambleıasynyń 71-sessııasyna qatysý úshin Bishkekten Nıý-Iorkqa ushyp shyqqan Atambaev, ózin nashar sezinip, AQSh-qa saparyn toqtatýǵa májbúr boldy.