Qyrǵyz Prezıdenti Astanaǵa keldi

ASTANA. QazAqparat - Qyrǵyz Respýblıkasynyń Prezıdenti Sooronbaı Jeenbekov Ortalyq Azııa elderi basshylarynyń jumys (konsýltatıvtik) kezdesýine qatysý úshin Astanaǵa keldi, dep habarlaıdy QazAqparat.

Mártebeli meımandy elorda áýejaıynan QR Premer-Mınıstriniń orynbasary Asqar Jumǵalıev qarsy aldy.

Aıta keteıik, búgin elordada Ortalyq Azııa elderi, sonyń ishinde Qazaqstan Respýblıkasy, Qyrǵyz Respýblıkasy, Tájikstan Respýblıkasy, Túrikmenstan jáne Ózbekstan Respýblıkasy basshylarynyń jumys (konsýltatıvtik) kezdesýi ótedi. Túrikmenstanda joǵary deńgeıdegi is-sharalardyń aldyn ala josparlanýyna baılanysty bul elden atalǵan jıynǵa Medjlıs tóraıymy A.T.Nýrberdyeva hanym qatysady.

Bul besjaqty kelissózderdiń Ortalyq Azııanyń barlyq eli úshin ortaq mereke - Naýryz meıramy qarsańynda ótýiniń mańyzy zor.

Foto:https:novosti.kg