Qyrǵyz premer-mınıstriniń mindetin atqarýshy taǵaıyndaldy
BІShKEK. KABAR - QazAqparat – Qyrǵyzstanda Prezıdent saılaýynyń nátıjesi anyqtalǵansha premer-mınıstrdiń ókilettiligi ýaqytsha toqtatyldy, dep habarlady QazAqparat Kabar agenttigine silteme jasap.
«Qyrǵyz Respýblıkasy Prezıdentin jáne Joǵarǵy Keńes depýtattaryn saılaý týraly» Qyrǵyz Konstıtýtsııalyq zańynyń 21-babyna sáıkes prezıdent saılaý nátıjesi belgili bolǵansha QR premer-mınıstriniń ókilettilik qyzmeti toqtatyldy. Mundaı jarlyqqa premer-mınıstr Sadyr Japarov qol qoıdy.
«Qyrǵyz Úkimeti týraly» QR Konstıtýtsııalyq zańynyń 19-babyna saı Qyrǵyz premer-mınıstriniń mindetin atqarý Birinshi vıtse-premer-mınıstrge júkteldi.
Birinshi vıtse-premer-mınıstr qyzmetin Artem Novıkov atqarady.
Eske salsaq, Sadyr Japarovtyń kandıdatýrasynyń Qyrǵyzstan prezıdenti laýazymyna usynylýyna jáne prezıdent mindetterin atqarý ókilettiliginiń toqtatylýyna baılanysty, Konstıtýtsııaǵa sáıkes el prezıdenti mindetin atqarýshynyń ókilettikteri Jogorký Kenesh tóraǵasy Talant Mamytovqa ótti.
