Qyrǵyz parlamentiniń eks-depýtaty sot aldynda jaýap berip jatyr
ALMATY. QazAqparat - Almatyda qylmystyq ister boıynsha mamandandyrylǵan aýdanaralyq sotynda Qyrǵyzstannyń Jogorký Keneshiniń depýtaty Damırbek Asylbekýýlyǵa qatysty sottyń aldyn ala tyńdalymy bastaldy, dep habarlaıdy QazAqparat tilshisi.
Damırbek Asylbekýýlýmen birge sot aldynda 11 adam jaýap berýde.
«Qyrǵyz depýtaty Asylbekýýlý Damırbekpen birge sot uıymdasqan qylmystyq top músheleri - Jappasov Esbol, Muradilov Ulanbek, Abakırov Shyńǵys, Jappasov Dosbol, Qazaqpaı Muhıt, Nurmanov Madııar, Sáýlembaev Sanjar, Tynybaeva Muhıt, Qojamqulov Danııar, Aýylbekov Nurǵalı men Baıgelov Qýanyshtyń isin qarap jatyr», - dedi baspasóz qyzmetinen.
Eske salaıyq, aǵymdaǵy jyldyń aqpan aıynda ońtústiktegi 3 oblys pen Almaty qalasynda júrgizilgen arnaıy operatsııa barysynda 35 adam ustaldy. Olardyń arasynda keden organynyń, shekara qyzmetiniń laýazymdy tulǵalary, brokerler, deldaldar, sondaı-aq uıymdasqan qylmystyq top músheleri bar. Arasyndaǵy úsheýi Qyrǵyzstan azamaty. Onyń biri - Qyrǵyzstannyń Jogorký Keneshiniń depýtaty Damırbek Asylbek. Keıin ol mandatynan aıyryldy. Sot sanktsııasymen 35 kúdiktiniń 33-i qamaýǵa alynǵan edi.
Arnaıy operatsııa barysynda memlekettik shekaranyń Qazaqstan-Qytaı aımaǵynda ornalasqan Altynkól, Qaljat jáne Qorǵas keden beketteri, Qazaqstan-Qyrǵyzstan aımaǵynda ornalasqan Qordaı men Qarasý beketteri men Qazaqstan-Ózbekstannyń Saryaǵash, Qazyǵurt, Atameken, Qaplanbek shekara aımaqtary arqyly taýarlardy kontrabandalyq jolmen tasymaldaý anyqtalǵan.
Damırbek Asylbekýýlýmen birge sot aldynda 11 adam jaýap berip jatyr.
Olardyń ishinde belgili qazaqstandyq azamat Esbol Jappasov ta bar. Bul da arnaıy operatsııa kezinde «Jappasovtar» uıymdasqan qylmystyq tobynyń jetekshisi retinde ustalǵan bolatyn.
Quqyq qorǵaýshylardyń aıtýynsha, Esbol «Jappastyqtar» dep atalǵan UQT basqaryp kelgen. Qylmystyq top uzaq ýaqyt boıy Qazaqstan men Qyrǵyzstan shekarasy arasynda Qordaı ýchaskesinde kontrabanda ótkizýmen aınalysqan.
«Jappastyqtar» Qyrǵyzstannan qus etin jetkizip tursa, ol jaqqa munaı ónimderin zańsyz ótkizgen. Sondaı-aq, shekaradan ótken ár júrgizýshiden kem degende 80 myń teńgeden alyp, zańsyz jolmen ońaı oljaǵa kenelip otyrǵan.
Sýdıa sot barysynda eks-depýtattyń Qyrǵyzstan azamaty ekenin rastady.
