Qyrǵyz parlamentinde tóbeles boldy: eki depýtat eleýli zaqymdandy
BІShKEK. 1 sáýir. QazAqparat /Arnýr Rahymbekov/ - Búgin Qyrǵyzstan Parlamenti Jogorký Keneshtiń tústen keıingi otyrysynda «Ata-jurt» jáne «Respýblıka» fraktsııalary depýtattary arasynda tóbeles boldy.
Jergilikti BAQ-tyń habarlaýynsha «Ata-jurt» fraktsııasynyń basshysy Qamshybek Tashıev minbede partııaaralyq koalıtsııanyń perspektıvasyna qatysty sóz sóılep turǵan. Sóz arasynda ol úkimettiń keıbir músheleriniń sybaılas jemqorlyq faktililerine qatysy bolsa, ózi basqaryp otyrǵan fraktsııa koalıtsııadan shyǵatynyn málimdedi. Sol kezde «Respýblıka» fraktsııasynyń ókili Altynbek Súleımanov (ol da koalıtsııa múshesi) sózge kelip qalyp, onyń sońǵy tóbeleske ulasqan. Kýágerlerdiń aıtýynsha, «Ata-jurt» fraktsııasynyń basshysy Qamshybek Tashıev pen depýtat Sadyr Japarovtyń betteri jaraqattanǵan.
Qazirgi kezde QR quqyq qorǵaý organdary parlamenttiń kiretin jáne shyǵatyn esikterin qalqalap, ǵımaratty qorshap aldy. Tóbeleske baılanysty partııa basshylarynyń shuǵyl keńesi ótýde.
