Qyrǵyz-ózbek shekarasyndaǵy atysqa eki el ókilderi túsinikteme berdi

TAShKENT. BІShKEK - QazAqparat – Qyrǵyzstan men Ózbekstan ókilderi eki el arasyndaǵy shekarada bolǵan jaǵdaıǵa túsinikteme berdi, dep habarlaıdy QazAqparat.

Qyrǵyz shekara qyzmetiniń habarlaýynsha, 5 mamyr kúni Aktom aýylynda 3 qyrǵyz azamatyna ózbekstandyq shekarashylar qarý qoldanǵan. Úsh azamat ta jaraqat alyp, aýrýhanaǵa jetkizilgen.

Al Ózbekstan Memlekettik qaýipsizdik qyzmeti Shekara áskerleri Qyrǵyzstanmen shekaradaǵy jaǵdaıǵa baılanysty resmı málimdeme jasady.

«2022 jylǵy 5 mamyrda Namangan oblysynyń «ıAngıkýrgan» aýdanyndaǵy Aktom aýyly arqyly ótetin ózbek-qyrǵyz memlekettik shekarasynda, Ózbekstan shekarashylary belgisiz bir toptyń Ózbekstannan Qyrǵyzstanǵa iri kólemdegi taýardy alyp ótýin baıqap, bul zań buzýshylyqtyń aldyn alý sharalary qolǵa alyndy.

Memlekettik shekarany buzýshylardy shekarashylar ustaý kezinde bir top buzýshylar áskerılerge qarsylyq kórsetip, kúsh qoldanǵan jáne dene jaraqatyn salyp, qarýdy tartyp alýǵa áreket etken. Bul jaǵdaıda áskerı qyzmetshiler zańda belgilengen tártippen qarý qoldanýǵa májbúr bolǵan. Onyń saldarynan 3 adam jaralanyp, oolardy serikteri Qyrǵyzstanǵa alyp ketken. Oqıǵanyń mán-jaıyn anyqtaý úshin 5 mamyrda Ózbekstan men Qyrǵyzstan shekarashylary arasynda kezdesý ótti. Tekserý jumystary júrgizip jatyr», - delingen Ózbekstannyń resmı organy taratqan habarlamada.

Qazirgi kezde eki tarap ta jaǵdaıdy anyqtap jatyr, shekaradaǵy jaǵdaı turaqty ekeni aıtylýda.