Qyrǵyz-ózbek shekarasynda bosqyndardy ótkizý ýaqytsha jabyldy
NDІJAN OBLYSY. Maýsymnyń 14-i. QazAqparat /Qurmat Samarhan/ - Qyrǵyz-ózbek shekarasynda bosqyndardy ótkizý ýaqytsha jabyldy. Bul týraly búgin shekara mańynda bolǵan Ózbekstan vıtse-premeri Abdýlla Arıpov málim etti.
Ózbekstan Premer-Mınıstri orynbasarynyń aıtýynsha, shekteý jaraly áıelderge qatysty emes. «Dúısenbi kúngi tańerteńge jaǵdaı boıynsha tirkelgen eresek adamdar 45 myń boldy, olar Ózbekstan aýmaǵyna bosqyn retinde ótti. Bul oraıda kámeletke tolmaǵandar esepke alynǵan joq», - dedi ÓR Úkimetiniń ókili.
Ándijan oblystyq klınıkalyq aýrýhanasy dárigeriniń habarlaýynsha, qazirgi kezde medıtsına mekemelerinde jaralanǵan jáne aýrý 500 adam jatyr.
A.Arıpovtyń aıtýynsha, bosqyndar lagerlerinde BUU Damý baǵdarlamasynyń, ıÝNISEF-tiń jáne basqa da halyqaralyq uıymdardyń ókilderi boldy. Joǵaryda kórsetilgen uıymdardyń ókilderi áńgime barysynda kómek kórsetýge ázir ekendikterin bildirdi. «Bosqyndardy ótkizý jabylǵan sebebi, ornalastyrylǵan lagerler qazirdiń ózinde tolyp qaldy», - dep túsindirdi ÓR vıtse-premeri.
