Qyrǵyz nómirli avtokólik ózbek shekarashysyn qaǵyp ketken
ASTANA. QazAqparat - Ózbekstan men Qyrǵyzstan shekarasy mańynda qyrǵyz nómiri taǵylǵan avtokólik ózbek shekarashysyn qaǵyp ketken. Bul týraly beısenbi kúni «ÝzTAG» agenttigi habarlady.
«30 jeltoqsan kúni saǵat 02.30-da Ferǵana oblysyna qarasty Soh aýdanynyń Shaıhatala eldi mekeniniń tusynda ózbek shekarashylary Qyrǵyzstan aýmaǵyna kontrabandalyq júkti zańsyz ótkizbek bolǵan qyrǵyz memlekettik V 6775 N nómirli «Mersedes-Gıgant» avtokóligin baıqaǵan», - delingen habarlamada.
Shekarashylar jasaǵynyń «toqta» degen talabyna tártip buzýshy pysqyrmasa kerek. Sondyqtan ózbek shekarashylary eskertý retinde aspanǵa oq atýǵa májbúr bolǵan. Biraq soǵan qaramastan, tártip buzýshy sol toqtamaǵan kúıi shekarashylardyń bireýin qaǵyp, óte shyqqan.
«Budan soń shekarashylar jasaǵy avtokólikti toqtatý úshin qarý qoldanǵan. Sol kezde shekara buzýshy avtokólikti, onyń ishindegi 5200 keli tartatyn taýardy tastaı qashyp, boı tasalaǵan. Zardap shekken shekarashynyń jaǵdaıy qazir aýyr dep baǵalanyp otyr», - dep málimdeıdi aqparat kózi.
Qazirgi ýaqytta osy fakti boıynsha Ózbekstannyń quqyq qorǵaý organdary qylmystyq is qozǵady.
