Qyrǵyz konstıtýtsııasyna ózgerister engizý týraly referendým 11 sáýirge belgilendi
BІShKEK. KABAR-QazAqparat – Jogorký Kenesh depýtattary «Qyrǵyz Respýblıkasynyń Konstıtýtsııasy týraly» Zań jobasy boıynsha referendým (búkilhalyqtyq daýys berý) taǵaıyndaý týraly» zań jobasyn maquldady. Zań jobasyna sáıkes bıylǵy jyldyń 11 sáýirinde referendým ótkizý usynylady, dep habarlaıdy QazAqparat KABAR agenttigine silteme jasap.
Búgin parlament zań jobasyn birden ekinshi jáne úshinshi oqylymda maquldady.
Otyrysqa 100 depýtat qatysty, olardyń 94-i «qoldasa», 6 depýtat «qarsy» daýys berdi.
Aıta keteıik, sondaı-aq 11 sáýirge jergilikti keneshke saılaý belgilendi.
Eske sala keteıik, Qyrǵyz Respýblıkasy Konstıtýtsııasynyń jobasy 2020 jyldyń 17 qarashasynda Jogorký Keneshtiń resmı saıtynda qoǵamdyq talqylaý úshin ornalastyrylǵan bolatyn. Prezıdenttiń mindetin atqarýshy, Jogorký Keneshtiń tóraǵasy Talant Mamytovtyń jarlyǵymen Konstıtýtsııalyq keńes 2020 jyldyń 20 qarashasynda quryldy.
Jańa Konstıtýtsııa jobasyndaǵy basty aıyrmashylyq prezıdenttik basqarý nysanyna kóshý, sondaı-aq, depýtattar sanyn 120-dan 90-ǵa deıin qysqartý usynylyp otyr.
