Qyrǵyz Konstıtýtsııalyq palatasy Atambaevty eks-prezıdent mártebesinen aıyrýdy zańdy dedi
BІShKEK. KABAR – QazAqparat - Qyrǵyz Respýblıkasy Joǵarǵy Sotynyń Konstıtýtsııalyq palatasy búgin burynǵy prezıdent Almazbek Atambaevty jaqtaýshylarynyń zańǵa qaıshy konstıtýtsııalyq emes zań normasyn moıyndaý týraly ótinishhatyn qarap, Atambaevty eks-prezıdent mártebesinen aıyrdy. Bul týraly QazAqparat Kabarǵa silteme jasap habarlaıdy.
Sýdıalar jınalys bólmesinen shyqqan soń sheshimdi jarııalady.
Sot alqasy Qyrǵyzstan Respýblıkasy Konstıtýtsııalyq palatasy «Qyrǵyzstan Respýblıkasy Prezıdentiniń qyzmetine kepildik berý týraly» Zańǵa ózgeris engizý zańyn qabyldaý Qyrǵyzstan Respýblıkasynyń Konstıtýtsııasyna qaıshy kelmeıtinin sheshti.
Alaıda Konstıtýtsııalyq palata prezıdent akti arqyly eks-prezıdentke berilgen kepildikti alyp tastaı alatynyn konstıtýtsııaǵa qaıshy dep sheshti.
Sýdıa bul sheshimniń túpkilikti jáne shaǵymdanýǵa jatpaıtynyn atap ótti.
Protsess sýdıa Qarybek Dúısheevtiń tóraǵalyǵymen ótip jatyr. Sondaı-aq, oǵan Emıl Oskonbaev, Chınara Aıdarbekova, Muqambet Qasymálıev, Jediger Saalaev, Qýanbek Qyrǵyzbaev, Aısalqyn Narynbekov, Cholpon Osmonova qatysyp jatyr.
