Qyrǵyz-Qazaqstan shekarasynda qarý-jaraq oralǵan qapshyq tabyldy
ASTANA. QazAqparat - Qyrǵyz-Qazaqstan shekarasynda Talas oblysy Chýnkýr ótkeli aýmaǵynan shekara jasaǵy qarý-jaraq oralǵan qapshyq tapty. Bul týraly Kabar Qyrǵyzstan Respýblıkasy memlekettik shekara qyzmeti BAQ jáne qoǵammen baılanys bólimine silteme jasap habarlaıdy.
Jartastardyń arasyndaǵy ańǵardan tabylǵan qapshyqta 1942 jyly shyǵarylǵan bir Mosın karabıni jáne 16 mm tegis uńǵyly ańshy myltyǵy tabyldy.
Sáıkes qujattar rásimdelgennen keıin, qarý Qyrǵyzstan ІІM aýmaqtyq bóliminiń qyzmetkerlerine berildi.
