Qyrǵyz-qazaq shekarasyndaǵy kólik keptelisine túsinik berildi

BІShKEK. QazAqparat – Qyrǵyz-qazaq shekarasynda ornalasqan ótkizý beketteri shtattyq rejımde jumys istep tur. Bul týraly Qyrǵyzstannyń Ulttyq qaýipsizdik memlekettik komıteti Shekara qyzmetiniń aqparat jáne kommýnıkatsııalar departamentinen málim etti, dep habarlaıdy QazAqparat 24.kg-ǵa silteme jasap.

«5 maýsymda «Aq Tilek – avtodorojnyı» baqylaý-ótkizý beketiniń aldynda kólik quraldarynyń keptelisi baıqaldy. Bul Qyrǵyzstannan basqa elderge aýyl sharýashylyǵy ónimderiniń eksportynyń maýsymdyq ósýimen baılanysty. Ulttyq qaýipsizdik memlekettik komıteti tarapynan júk tasymaldaýshylarǵa shekaralyq baqylaýdan ótýge eshqandaı shekteýler joq», - delingen vedomstvo habarlamasynda.

Basqa baqylaý beketterinde adamdar men kólikterdiń shoǵyrlanýy bolmaǵany atap ótildi.