Qyrǵyz kartobyna engizilgen shekteý alyndy

ASTANA. QazAqparat - Qyrǵyzstannan Qazaqstanǵa kartop jetkizýge qoıylǵan shekteý alyndy. Bul týraly búgin QR Aýyl sharýashylyǵy mınıstrligi Aýyl sharýashylyǵy keshenindegi memlekettik ınspektsııa komıteti tóraǵasynyń orynbasary Almasbek Mars málim etti.

«Aqparat usynylyp, mamandar ahýalmen tanysý úshin bardy. 4 maýsymnan bastap shekteý alynyp, búginde kartop tasymaldaýǵa bolady», - dedi ol.

Sonymen qatar A.Mars shekarada baqylaýdyń bar ekendigin, monıtorıng júrgizilip otyrǵandyǵyn basa aıtty.

«Shekteý  kartoptyń «altyn tústi nematoda» dep atalatyn keseli 79 ret anyqtalǵannan keıin engizilgen bolatyn», - dedi komıtet tóraǵasynyń orynbasary.