Qyrǵyz halqy on úsh jyl ishinde 1,6 mln adamǵa ósti

BІShKEK. Kabar - QazAqparat - Halyq sanaǵynyń birinshi kezeńiniń qorytyndysy boıynsha Qyrǵyzstan halqynyń naqty sany belgili boldy. QazAqparat Kabar agenttigine silteme jasap habarlaıdy.

Halyq sanaǵynyń qorytyndysy boıynsha eldiń turaqty turǵyndarynyń sany 2009 jylǵy halyq sanaǵymen salystyrǵanda 13 jyl ishinde 1,6 mln adamǵa ósip, ortasha jyldyq ósý qarqyny 2,1%-dy qurady. Jalpy 2022 jylǵy 1 tamyzdaǵy jaǵdaı boıynsha qyrǵyz halqynyń sany 6 mıllıon 977 myń adamdy qurady.

Aıta ketsek, bıylǵy maýsym-tamyz aılary aralyǵynda Qyrǵyz statıstıka komıteti halyq jáne turǵyn úı qory sanaǵynyń málimetterin óńdeýdiń birinshi kezeńin ótkizdi. Ekinshi kezeń aǵymdaǵy jyldyń sońyna deıin aıaqtalady. Halyqty esepteý 2009 jylǵy halyq sanaǵynyń qorytyndysy jáne demografııalyq oqıǵalardyń aǵymdaǵy jazbasynyń aılyq derekteri negizinde júrgizildi.

Foto: Temır Sydykbekov/RFE/RL