Qyrǵyz eposy mektep páni qataryna engiziledi
ASTANA. 18 sáýir. QazAqparat - Qyrǵyzstan mektepterinde jańa oqý jylynan bastap álemdik iri epostardyń biri retinde tanylǵan «Manas» jańa pán retinde oqytý baǵdarlamasyna engiziledi, dep habarlady ITAR-TASS.
Bul týraly tıisti Jarlyqqa respýblıka prezıdenti Almazbek Atambaev qol qoıdy.
Jańa mektep páni «Manastaný» dep atalady. Prezıdent Atambaevtyń baspasóz qyzmetiniń habarlaýynsha, jańa pán Qyrǵyz halqynyń tarıhı jáne mádenı muralary jaıly maǵlumat berýmen qatar, jas urpaqty azamattyq patrıotızm rýhynda tárbıeleýge járdemdespek.
«Biz mektep oqýshylaryna túp-tamyrlarymyzdy eske salyp, oladyń boıynda birlik pen ınternatsıonalızm rýhyn egýge tıispiz. Qyrǵyzdyń osy uly eposyndaǵy negizgi ıdeıalar barlyq ýaqytta da ózekti», dep túsindirdi baspasóz qyzmeti.
Qyrǵyz prezıdentiniń Jarlyǵyna sáıkes 2012-2013 oqý jylynda «Manastaný» kýrsy eldiń barlyq joǵary oqý oryndary men kásiptik-tehnıkalyq ýchılışelerinde de engizilmek.
