Qyrǵyz eliniń «Tuńǵysh» jastar teatry gastroldik saparmen Almatyǵa keldi

dep habarlaıdy QazAqparat.

   Teatr qyrkúıek aıynyń 28-i men 29-y aralyǵynda Ǵ. Músirepov atyndaǵy Qazaq memlekettik akademııalyq balalar men jasóspirimder teatrynda «Hanshanyń kóz jasy»atty  spektakldi sahnalaıdy.

   Bul qoıylymda qyrǵyz eliniń ulttyq fılosofııasy kórinis tapqan. Basty keıipker - Qurmanjan Datqa  Shyǵys elinde hanshaıym bolǵan alǵashqy áıel. Onyń el basqarý kezeńinde, qyrǵyz halqynyń ult retinde bolýy ne bolmaýy turǵysynda ekiudaı sátter bolǵan. Osyndaı qıyn-qystaý kezde hanshaıym ult úshin týǵan ulyn qurban etip, halyqty quryp ketý qaýpinen saqtap qalady. Spektaklde hanshaıym obrazy túrli qarama-qaıshylyqtarǵa toly.

 Basty róldi Qyrǵyzstannyń halyq ártisi, Memlekettik syılyqtyń laýreaty  Jamal Seıdahmetova somdaǵan. Shyǵarma - qyrǵyz tilinde.

   Eske sala ketsek, atalmysh teatr 2005 jyly alǵash ret kásibı turǵyda «Sholpan» atty qyrǵyz mıýzıklin sahnalaǵan.

Ol - ózin-ózi qarjylandyratyn jekemenshik óner oshaǵy.